Жақында Шәуілдір ауылындағы Ө.Жәнібеков атындағы №4 лицей-интернатының мәжіліс залында аудандық орталық кітапхана қызметкері Клара Сахиқызының ұйымдастыруымен өсы өңірде дүниеге келіп, артында мәңгі мұра,өшпес із қалдырған көрнекті тарихшы, этнограф-ғалым,мемлекет және қоғам қайраткері Өзбекәлі Жәнібековтың 80 жылдығына арналған «Қазақ тану ғылымының қара нары» деген тақырыпта  мазмұнды мәдени шара-оқырмандар конференциясы  өткізілді. Ел тәуелсіздігінің арқасынада ардақталып отырған асылымыз жайлы бізге дейінде талай –талай әңгімелер айтылып,ұлт мақтаныштары да өз бағасын берген екен.

     8 наурыз –Халықаралық әйелдер күні қарсаңындағы сенбі күні аудан әкімі Б.Сыздықов ауданымыздың кемелденіп дамуына өз үлестерін қосқан, ер азаматтармен бірге ыстық пен суықта қанаттаса жүріп қайрат көрсеткен, сөйте жүріп перзенттерін қанаттыға қақтырмай, тұмсықтыға шоқтырмай ел қатарына қосқан бір топ 100 жастан асқан кейуаналардың отбасына кіріп шықты. 111 жастағы Отырар ауыл округінде тұратын Өткелбаева Қалыкүл, 103-тегі Сапарбаева Хадиша ана, шәуілдірлік 109 жастағы Бекқұлова Хадиша ана мен қоғамдық 106 жасар Қисықова Зәуреш сынды асыл аналарымыздың тұрмыс тіршілігімен танысқан аудан әкімі кейіпкерлерімізбен ауызба-ауыз сөйлесіп, кезегінде олар да есте қаларлық әдемі әңгімелер тербеп, мәре-сәре болып қалды. Асыл жандармен жүздесуге келген әкім аяулы әжелеріміздің құшағына гүл, иығына оқалы да зерлі қамзол, бастарына ақ жібек орамал да ала келіп, жүздерін нұрға толтырды.

 Асыл аналарымыз да өз алдарына басын мың мәрте иіп, тағзым етіп келген аудан басшысына ризалықтарын білдіріп, «Қартайсақ та есінен шығармайтын Өкіметіміз, сол өкіметтің өкілі – Бейбіттей баламыз бар екен»,-деп аудан әкімімен ризалық пейілмен естелік суретке түсуге құмбыл болып жатты. Өздеріне көрсетілген ізгі құрметке масаттанып, әкім баласына берген баталары да жан тебірентерліктей болғанының куәсі болдық, ағайын!

Қымбатшылықтың сыры неде?

 Биылғы жыл өзiмен бiрге қымбатшы­­­лықты да iлестiре келдi. Бүгiнгi таңда халықты ерекше алаңдатып отырғаны күнделiктi тұтынатын азық-түлiк бағаларының күрт өсуi. Мәселеңки осыдан екi ай бұрын бiр қап бiрiншi сортты ұн 2700 теңге болса, ол бүгiнде 3500 теңге. Ал, сол кезеңде 60 теңгеден сатылған картоп пен пияз 100 теңгенiң үстiне шығып кеттi. Бағаның бұлайша ба­­сынуы, әсiресе әлеуметтiк жағынан аз қамтылған тұрғындарға ауыр соқты. Қымбатшылықтан тiксiнiп қал­ған қарапайым халық бағаның бетiмен кетуiн сан-саққа жүгiртiп әлек. Халықтың көпшi­лiгi тұтынатын тауарлардың шапшаң өсуiне зейнетақы мен жалақының өсуi басты себеп деген ойда. Әрине жұртшы­лықтың бұл болжамын негiзсiз дей алмаймыз, алайда мәселенiң мәнiсi әрiректе жатқан секiлдi ...

Өткен аптада облыс әкімінің бірінші орынбасары Б.Оспанов ауданымызға арнайы іссапармен келіп кетті. Әрине облыс әкімінің орынбасары жәй келген жоқ, ауданымызда бірнеше ауыл шаруашылық нысандарын аралаған ол ауыз су мәселесімен қатар, өңірімізде «Жол картасы» бойынша атқарылып жатқан жұмыстармен де етене танысып, көңіліне бірқатар мәселелерді түйіп кеткендігі анық. Іссапармен Шілік ауыл округінен бастаған Б.Оспанов осындағы жұмыс жасай бастағанына көп уақыт бола қоймаған тұқымбақты аралап, атқарылып жатқан жұмыстарға өзінің оң бағасын берді. Шындығында декоративтік және түрлі жеміс ағаштарымен қатар, жүзім көшеттерін өсірумен айналысып жатқан питомниктің ауданымызға берер пайдасы көп. Бұл шаруа сондай-ақ, үкіметіміздің «Жасыл ел» бағдарламасына сай атқарылып жатқан тірлік екендігін айта кеткеніміз абзал. Мұнан соң аталмыш ауылдағы «Жол картасы» бойынша күрделі жөндеуден өтіп жатқан М.Шаханов атындағы орта мектебінде болған облыс әкімінің орынбасары құрылысы санаулы күнде аяқталатын мектепті аралап, құрылыстың сапалы әрі мерзімінен бұрын аяқталып жатқандығына жылы ықылас білдірді.

Аудан әкімі Б.Сыздықов алғашқы іссапарын алыстағы Қожатоғай ауыл округінен бастады. Аудан басшысы іссапар барысында ең алдымен ауыл округінен шалғайдағы Дарбаза елді мекенінде болып, осындағы Құттыбеков атындағы бастауыш мектеп пен медициналық пункттің ағымдағы жөндеу жұмыстарымен жете танысты. Сондай-ақ осы күні Бұлақ елді мекеніндегі медпункттің де жөндеу жұмыстарын көріп, ауыз су және бидай егістігін суландыру мәселелерінде шешімін күтіп тұрған бірқатар өзекті мәселелердің бар екендігіне көз жеткізді.
Аудан басшысы Байтоғай ауылында болғанда 200 гектар суармалы жерді игеру үшін 2 дана электронасос қажет екендігіне назар аударды және елді мекендер арасындағы автокөлік жолдарын жөндеуге де ауыл әкімінің мүдделі болуы тиіс екендігін ескертті. Сол сияқты осындағы электр жүйелерін тиімді пайдалану керектігін де назарға салды.

Шілде айының 27 күні аудандық мәслихаттың кезектен тыс XXII сессиясы болып, сессияны төраға, депутат Е.Жабатай ашып жүргізіп отырды. Сессияға облыс әкімі А.Мырзахметов қатысып, аудан әкімі лауазымынан үміткер Бейбіт Шалдарұлы Сыздықовты көпшілікке таныстырды.  Облыс басшысы Бейбіт Сыздықовтың осы ауданның азаматы екенін, бұрын осы ауданда қызмет істегенін, нарықтық экономикадан жан-жақты хабары бар тәжірибелі маман екенін айта келіп, облыс әкімдігінің, аудандық мәслихат депутаттарының сенімімен шығуға тиістілігін тілге тиек етті. Сессияда сессияда депутаттар Б.Нарбекова, П.Шынпейіс облыс әкімінің ұсынысын қолдай отырып, «су жаңа» әкім – Бейбіт Сыздықовқа деген оң пікірлерін білдірді. Облыс әкімі Асқар Мырзахметов аудандық мәслихат депутаттарының келісімімен Бейбіт Сыздықовты Отырар ауданының әкімі етіп тағайындады.

***

Мұнан соң облыс басшысы аудан зиялы қауым өкілдерімен және аудан активімен де кездесіп, жаңадан тағайындалған аудан әкімін таныстырды және ең бастысы елдің сенімімен шығуға тілектестік білдіріп, жаңа міндеттер жүктеді.

Жақында Отырар аудандық ішкі саясат бөлімінің ұйымдастыруымен ауыл тұрғындарының жиыны болып өтті. Аудан әкімдігінің мәжіліс залында өткен бұл басқосуға жүрегінде иманы, бойында рухы мол заматтар көп жиналды. Онда дәстүрлі дініміздің қадір-қасиеті кеңінен сөз болды. Жиналғандардың бәрі де ата –бабаларымыз ұстанған дәстүрлі ислам діні ғана адамның жанын нұрға бөлеп, бақытқа жеткізетінін, жалған діндер жүректі қараңғылықтың қара шәлісімен тұншықтыратынын түсінгендей болды.